Agar aap ek blogger hain or blogging ke liye kuch important things dhundh rahe hain to aap bilkul sahi jagha par aaye hain. Aaj ki ye post apko kuch na kuch nya batayegi. Ye post thodi technical or thodi general hai kyonki technical problem se jyada general problems ka saamna karna padta hai ek blogger ko. So, aaj main apke bahut saare point clear kar dunga or agar kuch rh jaye to aap mujhe comment kar dena main uss baare main ek new post dobara se likh dunga. 

10-most-important-things-about-blogging

1. Patience

Agar aap ek new blogger hain to main apko ye advice dunga ki esa bilkul bhi naa sochain ki aaj aapne blog start kiya hai or kal se hi apki earning start ho jayegi iske liye aapko kaafi wait karna padega. Kuch bloggers ki 3-4 months main earning hone lag jaati hai par bahut saare blogger ese hain jinko earning karne main 6 months ya fir isse jyada time bhi lag jaata hai. To main apko iss baare main ye hi khna chahunga ki blogging ek esa field hai jisme shuru main to apko mehnat karni hi padegi uske baad dhire dhire hi apki earning start hogi. So, Blogging ke field main patience rakhna bahut jaruri hai.


2. Avoid Copy Paste

Kisi or ke blog se copy paste bilkul bhi naa kare par haan yadi aap kisi dusre blog ko padhte ho or vhan se apko kuch idea aata hai to isme koi burai nahi hai. Apne content ko original rahain taki aap apni khud ki ek pehchan logo ke beech main bna sake. Unique chiz ko log bahut pasand karte hain. So copy/paste avoid kare or unique content write karke hi post likhain.


3. Regular Writing

Aapko apne blog par roj kisi na kisi topic par post dalni hogi jisse aap apne blog par updated raho or apki audience ko ye pta rahe ki apko blog hamesha updated rhta hai. Ye maine isliye kaha kyonki insaan ko humesha nayi nayi chize explore karna hi accha lagta hai. 

4. Promotion

Promotion ek esa fector hai jo bahut jaruri hai. Agar apke blog par apne bahut acchi acchi important topic par post likh di hain par fir bhi apko uss hisaab se kam traffic mil rha hai to apko apne blog ko promote karna padega. Logo tak apne blog ko pahuchana padega. Ab aap ye sochengay ki ye to bahut aasan hai apne blog ke link ko watsapp, facebook, twitter etc. par logo ko send kar deta hoon isse bahut saara traffic aa jayege par ye tarika spamming main aa jaata hai khas taur par facebook or twitter par. Promotion ke liye sahi rasta bnaye apne blog ko promote karne ke liye social network ka sahara lain par page bnakar. Promotion karne ke liye aap Google Adwords ki madat bhi le sakte hain.


5. Guest Post

Vaise to aap promotion, backlinks etc ke jariye bahut saara traffic gain kar sakte hain par kuch chize aisi bhi hoti hain jo apke work ko bahut tezi se grow kar sakti hain jaise ki guest post. So guest post apke blog ko boost karne ka kaam karegi. Aap doosro ke blog par jakar post likh sakte hain. Vo apke blog ka niche link denge jisse apko boost up milega.

6. Feedback 

Apne visitors ko feedback dena apke blog ke liye bahut acchi chiz hogi kyonki isse apke blog ke baare main ek accha impression apne visitor ke upar padta hai. Isse usko ye pta chalta hai ki aap apni blogging ko lekar kitne serious ho or such main aap logo ki help karna chahte ho. Iska fayda apko ye hoga ki vo apke blog ka pemenent visitor ban  jayega.

7. Read Books, Blogs & Newspaper

Blogging main jitna important likhna hota hai usse jyada important padhna hota hai. Agar aap ek regular blogger ho or rojj kuch na kuch nya daal rahe ho to main apko suggest karunga ki aap rojj kuch na kuch naya bhi padhe kyonki usse apki knowledge increase hoti hai apke points or bhi jyada clear hote hain khass taur par apne field se related jankari lain jisse apka visitor jo apke blog par post padhne wala hai uske bhi saare ke saare doubt clear ho jaye.

8. Meetup with another blogger

Agar mauka mile to dusre blogger se jarur mile kyonki blogger ki community India main vaise bhi itni badi nahi khass taur par hindi blogger to bahut hi jayda kam hai. Agar mauka mile to unse jarur mile isse apko unse or unko apse kuch na kuch jarur sikhne ko milega. Isse apko kuch tips & tricks bhi pta chal payengi jisse aap apne skills ko dovelop kar sakte ho.


9. Write long content

Chota content likhna bhi bahut acchi baat hai kyonki agar aap apni baat ko kam shabdo main or acchi trha se define kar sakte ho to isse acchi baat nahi ho sakti par kaafi jagaho par esa dekha gya hai ki google ke analysis long content ko short content se jyada importance dete hain kyonki unka manna ye hota hai ki long content se visitor ko jyada knowledge mil sakegi. To koshish kare ki apne content ko lagbhg 700-1000 words ke beech main rakhain.

10. Motivate Yourself

Blogging ek esa field hai jisme aap rato raat visitors ya fir money gain nahi kar sakte hain isme sabr rakhna padta hai saath hi saath blogging ke safar main demotivate hona aam baat hai kyonki ye acche stand tak pahunchne main kaafi time lag sakta hai. So please agar aap aadhe raaste bhi aa gye hain to apne hathiyaar naa chhode or mere hisaab se apni audience ko dhoondhe kya pta apka traffic kahi par chhup kar baitha ho or apke aane ka intzaar kar rha ho. So quite karne se phle apne aim ko yaad kar lain or dobara mehnat karne main jutt jayain. 

Agar apko humari post acchi lagi hai to aap hume comment karke bta sakte hain or apni koi bhi rai hume de sakte hain apki uss suggestion par within 24 hours action liya jayega.