Agar aap Saharanpur ke aas pass ke rhne waale hain or aapne apna 12th Standard pass out kar liya hai to ab aapke samne jo sabse badi problem hogi ki graduation/degree lene ke liye kon sa college sabse accha rahega. 



To phle to hum aapko ye suggest karte hain ki sabse phle aap IIT, NIIT, AKTU etc ka form fill karke kisi Govt. College ko search kijiye uske baad by chance aapko Govt. College nahi milta hai tb aap uske baad private college ki talash main nikaliye. Aaj kal private colleges ki bhi acchi repotation hai or vhan se bhi aapko ek accha khasa placement mil jaata hai. To maine aapki problem ka solution nikalte hue Saharanpur ke kuch repotated colleges ki list banai hai jisme aap aasani se decision le sakte hain ki aapko kon se college main admission lena chahiye.    


Top 5 Colleges in Saharanpur

top-5-colleges-in-saharanpur

1. Glocal University

top-5-colleges-in-saharanpur

Glocal University ke owner Mr. Haji Iqbal hain jo ki ek politician, educationist, philanthropist & Humanist hain. Aapko jaankar hairani hogi ki education ko badhava dene wala insaan saath main ek khanan maafia bhi hai. Glocal University main khass taur par Law ki padhai hi karai jaati hai, Agar aap law karna chahte hain to aapke liye ye college best hai. Par sochiye law ke itne bade college ka owner khud ek maafia hai. 



Chaliye chodiye iss baat par dhyan naa dete hue main aapko college ki details batata hoon. Law, Bio, Tech kisi bhi subject se related koi bhi student yhan se koi bhi course kar sakta hai. Ye ek bahut hi repotated college hai or Sharanpur main 1st number par hai. Iss college main aapko bahut acha environment milega saath hi saaf safai par bahut dhyan rakha jaata hai. Placement ke maamle main ye college thik thaak hai. So, aap yhan se koi bhi course kar sakte hain koi problem waali baat nahi hai. Yhan se hajaron student har saal graduate hokar & degree lekar nikalte hain.


2. Doon College Of Engineering & Technology


top-5-colleges-in-saharanpur

Doon college Of Engineering & Technology Graduation ke liye bahut hi accha college hai. Ye college Sharanpur-Dehradun Highway par bna hua hai. Abhi tak ki Doon College ki history abhi tak Saharanpur ke colleges main sabse acchi rahi hai. Yhan ka Envirnment study ke lihaaz se bahut accha hai. Yhan par Engeeniering ki sabhi branch jaise Mechanical, Electronics, Computer Science etc. available hai. 



Doon College Of Engineering ka facility staff bhi kaafi accha hai or placement ke mayne se bhi college ki repotation sahi hai. Dekhiye, Vaise to kuch na kuch kami to har college main hoti hai lekin Saharanpur main Top 5 colleges ki list main Doon College Of Engineering & Technology 2nd number par hai. So, aap yhan se aaram se apni pasand ka koi bhi course kar sakte hain. Bas aapko admission lete waqt ya admission ke baad kisi bhi paper par bina padhe sign nahi kane hain. 


3. Dev Bhoomi Group Of Institution


top-5-colleges-in-saharanpur

Dev Bhoomi Gropu Of Institution ek accha college hai, Jisme har saal student 12th ke baad graduation karne ke liye bhaari matra main admission lete hain. Ye Saharanpur main Civil Hostpital se 7-8Km door Dabki Road par bna hua hai. Dev Bhoomi Group Of Institution kayi baar vaad-vivaad main aata rhta hai. Kabhi to apni illigal construction ko lekar to kabhi illigal scholarship laundering ki vjha se. 



Dev Bhoomi College ke Owner iss wajha se jail bhi jaa chuke hain. Par in sabke bawajood bhi ye college bahut acchi trha se manage hai or har saal kaafi bacche yhan se graduate hokar nikalte hain. Yhan ka placement kuch khass jyada accha nahi hai, iske chalte main aapko ye suggest karunga ki aap yhan se graduation kar lijiye par post graduation mat kijiye. Yhan ki facility bhi kuch khas experience nahi hai kyonki yhan par 75% staff young hai jo vhan par only experience ke liye aaya hai jis hisaab se unki salary bhi kaafi kam hai. Yhan par keval vo hi teacher rukta hai jiska permotion ho jaata hai ya jiski salary thik thaak hoti hai. Simply agar kahu to ye college graduation karne ke liye acha hai. 


4. Disha Bharti College Of Management & Education


top-5-colleges-in-saharanpur

Disha Bharti college Of  Managemente & Education management ki study ke liye ek bahut accha spot hai. Sabse phli baat yhan ka fees structure other colleges se kaafi genuine hai. Or Saharanpur City waale students ko kaafi local bhi padta hai. Jisse unko jyada door aana jaana nahi padta hai or unka time bhi save ho jaata hai. 



Disha Bharti main humare mutabiq khass taur par BCA, BBA ke liye jaana best hai kyonki ye ek management college hai. Iske liye hum aapko ye suggest karte hain ki agar aapko BBA ya fir BCA karni hai to hi aap is college main admission lain anyatha aap koi or college chune. Ye college graduation ke liye kaafi accha hai. Placement ki baat kare to yhan ki bhi haalat doosre colleges ki trha hi hai. Yhan par bhi bacchon ko jyada accha placement nahi milta hai or agar milta bhi hai to vo santushti janak nahi hota hai.


5. UP Group of Colleges


top-5-colleges-in-saharanpur

UP Group of Colleges ko bhi aap ek accha college bol sakte hain kyonki yhan ka fees structure bhi genuin hai or iski khass baat hai ye apni trha ka ek hi college hai jo Polytechnic or ITI ke liye best college hai. So, agar aapko bhi 12th ke baad Polytechnic ya fir ITI karni hai to aap bhi apne liye UP Group ko chun sakte hain. Placement yhan par bhi kuch khass nahi hai, jaisa ki maine bataya ki placement agar hai bhi to vo jyada santushti janak nahi hai. 




Agar aap Saharanpur se apni study kar rahe hain to aapko ye baat dhyan rakhni hogi ki, Saharanpur study ke mamle main ek backword area hai. Agar aap yhan se kisi wajha se study kar rahe hain to aap college ke trhrow jyada bade placement ke piche mat bhagiye, khud hi knowledge gain kijiye or khud hi sabkuch kijiye. Aapko khud hi apni job search karni hogi. College par kabhi depend nahi rhna chahiye ki vo aapko job dilayega aapko khud hi mehnat karke uss kabil banna padega ki aapki jarurat kisi company ko pade. 



Agar aapko humari post ke madhyam se thoda saa bhi raasta mila hai yaa fir decision lene ki power mili hai to aap comment karke jarur bataiye. Kyonki isse hume accha lagega or hume or jyada information dene ka motivation milega. "Techy Motion" par aane ke liye shukriye. Keep Visiting !