Aaj kal har koi internet ka use karta hai or din main naa jaane kitni baar apne questions ka answers janne ke liye jaane anjaane main kitni websites or blog open karta hai. Par fir bhi bahut saare log iss chiz se vakif nahi hain ki website or blog main kya difference hota hai ya fir apne kisi work ke liye unko website banani chahiye ya fir blog. 


blog-vs-website
ब्लॉग और वेबसाइट में क्या अंतर होता है ?

To chaliye aaj main aapke website or blog se related sare ke sare confusion durr kar dunga uske baad aap website or blog main aasani se difference pta kar payenge.

Blog or Website main kya anter hota hai?

Dekhiye agar aam bhasha main kahun to "Sabhi blog website hain par sabhi website blog nahi hain". Iss baat ka matlab ye hai ki blog bhi website ka hi ek hissa hai. Blog bhi ek prakar ki website hi hai jisme aap casual information de sakte hain par website main aapko formal information, services etc deni padti hain. To chaliye in dono ke beech difference ko vistaar se jaante hain.

Blog

1. Blog ek prakar ki website hi hai par aap uspar keval article hi saajha kar sakte hain koi service provide nahi kar sakte.

2. Blog ko aap kisi bhi gernal topic ya fir purpose ke liye start kar sakte hain.

3. Blog par aap apni language main information de sakte hain.

4. Blog main koi ek single insaan bhi work kar sakta hai, iska bade scale par karna jaruri nahi hai.


5. Isme aapko rojj update rehna padta hai yaani ki roj kuch na kuch information upload karte rehna padta hai.

6. Website ke comparison main blog ko handle karna aasan hota hai or kam logo ki jarurat padti hai.

7. Blog par aap keval ek hi chiz upload kar sakte ho jisko article bolte hain or iski popularity content par depend karti hai.

8. Blog ko aap blogger.com or wordpress.com ke madhyam se bna sakte hain.

Website

1. Website par aap ariticle to publish kar hi sakte hain saath hi saath aap uspar koi bhi service provide kra sakte hain.

2. Website ka apna ek alag status hota hai kyonki wo kisi organisation ki ek formal way main information deti hai.

3. Website humesha kisi na kisi company ko represent karti hai or khud ke product ke baare main hi information deti hai.


4. Website par visitors tabhi aate hain jab koi person uss perticular organisation ke baare main janna chahta hai.

5. Website ka home page uss perticular organisation par hota hai or aapko vhan par uska name bhi dikh jaata hai.

6. Website bnane ke liye Adobe Dreamweaver application ka use ho skta hai.

So agar aap kisi gernal purpose ke liye website start karna soch rahe hain yaani ki agar aapko keval kisi topic par likhna pasand hai to aap Blog start kar sakte hain. Or agar aap koi service provide karana chahte hain to aap website bna sakte hain.



I hope aapko humara article accha lga hoga agar aap iss trha ke or bhi article chahte hain to aap hume comment karke bta sakte hain or humari website par visit kar sakte hain.